ഇവിടെയെല്ലാം വില്‌പനക്കുണ്ട്‌കണ്ണാടിക്കൂട്ടില്‍
രക്തസാക്ഷിയുടെ ഉണങ്ങിയ തലച്ചോറ്‌
പൊരുതി മരിച്ച പടനായകന്റെ തണുപ്പിച്ച രക്തം
ചത്തുപൊന്തിയ മത്സ്യങ്ങള്‍ പോലെ നിശ്ചലം ലേബലൊട്ടിച്ച ചില്ല്‌ പാത്രങ്ങളില്‍
മാനഭംഗത്തിന്റെ വീഡിയോ പതിപ്പുകള്‍.
അതിര്‍ത്തിയില്‍ കാമം തീര്‍ക്കും സൈന്യത്തിന്റെ
ലൈവ്‌ കാഴ്‌ചകള്‍ഓഡിയോ സീഡിയിലുണ്ട്‌ മാനം ചീന്തിപ്പോയ
പെണ്ണിന്റെ പേടിച്ച നിലവിളികള്‍,തേങ്ങലുകള്‍
ശാന്തരായ്‌ നില്‍ക്കുന്നു നമ്മള്‍ ക്രഡിറ്റുകാര്‍ഡുകാര്‍
ഇത്‌ മാര്‍ജിന്‍ ഫ്രീ മാര്‍ക്കറ്റ്‌
ചിത്രങ്ങളേറെയുണ്ട്‌ വില്‍പ്പനക്ക്‌,
ചിത്രകാരന്റെ ദൃശ്യ വിവരണക്കുറിപ്പുകളും
പൊള്ളുന്ന മരുഭൂമിയില്‍ കരയും കുഞ്ഞിന്റെ ക്ലോസപ്പ്‌
ഒരു ബന്ദിയുടെ യാചിക്കുന്ന കണ്ണുകള്‍
ഘോര രാവ്‌ പോലെ കരിംതുണി മൂടിയ
മുഖമില്ലാ ക്കൊലയാളികള്‍
നിലവറയില്‍ നിന്ന്‌ പിടിക്കപ്പെട്ട പ്രസിഡണ്ടിന്റെ
ദൈന്യതമരണം ഇളക്കിയെടുത്ത മഞ്ഞ തൂക്കു കയര്‍
ക്രൗര്യത്തിന്റെ കളര്‍ ലാബില്‍ ചത്രങ്ങളൊട്ടനവധി,
കണ്ണ്‌ തള്ളിക്കുന്ന ഡിസ്‌ക്കൗണ്ടില്‍
വിപ്ലവത്തിന്റെ ഗ്രന്ഥശേഖരം
ഒന്നുമേവിറ്റുപോകുന്നില്ലെന്ന്‌ സെയില്‍സ്‌ മാന്‍
ചൂളിപ്പോകാതെ കേട്ടുനിന്നു പിന്നിിലെ കിളിമൊഴി
സാര്‍, വേണമോ പെണ്ണിന്റെ ഓഹരി വില വിവരക്കുതിപ്പുകള്‍
സാര്‍, വിനയാന്വിതയായി മൊഴിയുന്നു ചന്തമുള്ളൊരു
പെണ്ണൊരുത്തി, മുകളിലേക്ക്‌ പോകാം,
ശീത താപങ്ങള്‍ ക്ലേശിക്കാത്ത വാതാനുകൂല ഹാളുകള്‍
നില്‍ക്കുന്നു നിശാഗന്ധിപോല്‍ നതാംഗിമാര്‍
ഏതോ നൃത്തമണ്ഡപത്തിന്‍ നഗ്നമാം ചിത്രത്തൂണുകള്‍ പോല്‍
ഏത്‌ രാജ്യം എന്ത്‌ പ്രായം എത്ര ക്രീഡാ വൈവിധ്യങ്ങള്‍,
ഒട്ടെല്ലാമൊട്ടിച്ചി്‌രിക്കുന്നു പൊന്നൊളി പുരണ്ട നാഭീ തടങ്ങളില്‍
അവളുടെ കണ്ണുകള്‍ വിളിക്കുന്നു സതീഷ്‌ണം ,സകാമം സലജ്ജംഭ
പിന്നാലെയെത്തി, മറ്റൊരു സെയില്‍സ്‌ ഗേള്‍
തൊട്ടു നോക്കാം സാര്‍ ഒന്ന്‌ തഴുകാന്‍ വ്‌െര
ടിക്കറ്റെടൂക്കേണ്ട ഫെസ്റ്റിവല്‍ സീസണ്‍
പ്രത്യേകം തരുന്നൂ ഞങ്ങളീയോഫര്‍
ഒന്നും വാങ്ങുന്നില്ലെങ്കില്‍ സ്വയം വില്‍ക്കാം സാര്‍,
നിങ്ങളേയും .അസ്ഥിയാവാം, മാംസമാവാം
രക്തമാവാം . ബീജമാകാം ജീവനുള്ള ഭ്രൂണമാകാം
എന്തുമേതും വിറ്റുപോകും സാര്‍
ചന്തമാര്‍ന്നൊരീ ചന്തയില്‍
No comments:
Post a Comment